feature image

"تحدي المستحيل "

هاحكي قصتي اللي دايما ببقي فخور وانا بحكيها للناس 
من سنه ب الظبط كنت 124 كيلو رقم صعب وكبير علي سن 20 سنه وطول 170 سم 
كنت بسمع كلام من الناس دايما كان بيزعجني وديما كنت بعيط وبيني وبين نفسي واقول هما ليه بيعملوني كدا 
اتحمس واخدت القرار اني اخس " كنت كل ما اقول لحد اني ناويت اخس كان بيقولي يابني مستحيل تشيل كل الدهون دي انت محتاج عمليه "
المهم اول ما ابتديت اخس روحت لدكتور اسمريت معاه شهر لقيت النظام هو هو مافيش تغير وكان بيكسب كتير مني ومع انو مش بيعمل حاجه خسيت معاه 6 كيلو ف 
شهر طبعا جالي احباط وكملت وقررت اني مش اروح لدكتور خالص واني همشي ع الريجيم لوحدي لحد ما قراءت عن السعرات الحراريه وهي المسؤل الاول ع الريجيم وانا كنت من المعقدين من فكره نظام غذاء لما قراءت الموضوع اتحمست اكتر وابتديت فعلا امشي على الريجيم اللي انا بعمله لنفسي مش اي حدا اللي هو بحدد السعرات الحراريه لنفسي ف اليوم الماكسمم ليها 1000 سعر حراري وحفظت سعرات الحراريه بتاعت كل حاجه اكلها لحد ما كنت باكل واشبع ومع ذلك مكنتش بعدي ال 1000 سعر اول شهر نزلت 13 كيلو فرحت اوي لحد ما وصلت لوزن 90 كيلو وقعدت ريست شهرين مش بعمل ريجيم بعديها وزنت لقيت نفسي 107  اخدت القرار تاني وفضلت اخس ومش اوزن اخس ومش اوزن لحد شهرين لقيت نفسي 85 كيلو فضلت ثابت على وزن 85 شهرين تقريبا او اكثر و جتلي اراده اكتر ونزلت 11 كيلو وصلت  74 وقعدت فتره برضو وزني سابت لحد من شهر نزلت لل 68 والحمد لله دلوقتي ماشي على نظام ثنبيت وادي صوره ال 68 

احب اقول كلمه لكل اللي عاوز ينزل ويحسن من نفسه احنا لما بنخس بنخس عشان نفسنا مش عشان نعجب حد بنخس عشان صحتنا مش عشان حد
حاول تغيرمن نفسك وابداء دلوقتي ابداء وانت مقتنع وعندك الشجاعه والاراده صدقني هتلاقي الحياه احلي الاول مكنتش بعرف اعمل اي حاجه نفسي فيها دلوقتي الحياه سهله وبسيطه كفايا يس انك تثبت لكل الناس انك فعلا عملت معجزه مستحيل تحقيقها 

دي قصتي انا مش كاتبها عشان اكسب او عشان افوز بالمسابقه انا كسبت نفسي وصحتي 
انا كتبتها  مش عشان فوز انا كتبتها عشان احاول اساعد اي حد عنده ولو ذره عزيمه عشان يخس 
ربنا يوفقككم ياااااااارب كلكم ويتخسو ويارب ثبتني 

الحمد لله الذي لا يحمد على مكروه سواه 
الحمد لله الذي عافاني مما ابتلى به كثيراً ممن خلق، وفضلني تفضيلاً 


مواضيع متعلقة

عن الكاتب

التعليقات



البحث