feature image

لاول مره فى حياتى هكلم حد عن مشكلتى الحقيقه فى الحياه هى سبب كل حاجه فى حياتى وانا متاكده انها لو اتعدلت او اتصلحت هتتصلح كل جوانب حياتى المشكله دى هى تخنى 

انا تخينه هو مش جدا بس تخينه ويمكن انا الوحيده الى تخينه فى صحابى وطبعا بقا مش لازم اكمل الباقى فى اى خرجوج فى اى حاجه تريقه بقا اه هما بيهزرو بس هزار بيضايق 

حاولت مئات المرات انى اعمل رجيم بس للاسف مكنتش بكمل بسبب حاات كتير اراده اكيد ودى اهم سبب وكمان بسبب الماديات ان الرجيم محتاج مصروف لوحده اه فى دكاتره بتطلب اكل غالى جدا 

الاول نسيت اعرفكو بنفسى صحيح انا ايناس محمد ليسانس حقوق وبعمل ماجستير كمان :) يمكن دراستى دى هى الى مخليانى ابعد عن الدنيا كلها بس بردو لازم تقابل ناس تكدر عيشتك فى الكليه الشغل فى الشارع حتى بنظره بكلمه بتريقه من تحت لتحت وضحك انا بقيت بكره انزل الشارع اصلا عشان محدش يتريق عليا بس مضطره عشان شغلى المشكله انى محاميه وبتعامل مع ناس كتير جدا فى مجال شغلى بجانب دراستى طبعا نظرتهم ليا بتكون غير اى نظره لاى بنت اعجاب او اى حاجه لا لا بتبقى نظره تريقه 

حتى انا اوقات بتصعب عليا نفسى وانا ماشيه مع صحابى وهما فى حد بيعاكسهم وانا بس بيتريقو عليا مع العلم انى شكلى احلى منهم بكتير بس محدش بيبص على الوش كله بيبص على الجسم انا تخنى ده سبب ليا مشاكل كتير ونفسى اتخلص منه عشان اتخلص من مشاكلى دى بجد نفسى اخس نفسى اشوف نفسى رفيعه قبل ما اموت حتى نفسى احس انى بنت زى بقيه البنات نفسى امشى فى الشارع وانا واثقه فى نفسى 

نفسى محدش يوقفنى فى الشارع ويقولى خسى عشان تتجوزى الراجل مش بيبص الا للرفيعه ولا فى جيم حلو اوى روحيه ولا فى دكتور كويس روحيله كذا حد وقفنى وقالى كده ومبكونش بعرفهم بتبقى دمعتى واقفه فى عينى وللاسف اخلاقى متسمحليش انى ارد عليها بقله ادب واكسفها كنت دايما بقول حاضر وخلاص بس قلبى بيكون واجعنى اوى هو انا للدرجه دى يعنى لعنه على المجتمع شكلى مش مقبول ليه كده انا وصلت لدرجه انى بقول انى مريضه عشان كده انا تخينه عشان يبعدو عنى مرضت نفسى بسبب الناس والدنيا دى بس هعمل اى نفسى اخس اوى ياريت تساعدونى او تدونى امل فى الدنيا دى 

اسفه على الاطاله 

مواضيع متعلقة

عن الكاتب

التعليقات



البحث