feature image

تحدي ال 30 يوم ^_^

عارفين هو قائم علي ايه اصلا ...

 


طيب بصوا انا سمعت مصطفي حسني بيقول ان الانسان عشان يقدر يحقق حاجه في حياته محتاجه انه يسعي ولان الانسان كسول بطبعه فالازم يتحرك ... ولاننا بنمّل بسرعه فلازم نتعود واقصر الطرق للتعود هي التكرار ... فا طلب من الناس اللي مش بتصلي تحط لنفسها تحدي ال 30 يوم و يلتزموا بيه علي قد ما يقدروا و ينفذوا فيه كل حاجه صح ... وبعدها هيتفاجؤا انهم فجاءه التزموا او اتعودوا 

 

وكل حاجه في حياتنا علي الاساس ده ^_^

 



عشان كده انا قررت اتحدي نفسي لمده 30 يوم 

workout - healthy food - drink water


وعشان الناس اللي حابه تشاركني و بعتتلي ^_^ 

بصوا بقا :




اولا عملت جدول workout  يومي وطبعا لاني مبتدئه هحاول التزم بيه " بس واحده واحده "

ثانيا دايت او نظام صحي

ثالثا انا مش عايزه نخس يعني ده مش نظام عشان اخس !! ده نظام حياه صحيه

رابعا لو ملقتوش حد يشجعكم انتم لازم تشجعوا نفسكم بنفسكم وانا موجوده برضه هااا :D

خامسا متنسوش تشاركوا تجربتي مع اصحابكم و شجعوهم


* ده فيديو ممكن يساعدكم برضه ;) و تابعوا باقي ال  playlist 


https://www.youtube.com/watch?v=fcN37TxBE_s&hd=1


*ملحوظه انا في اليوم الخامس و عشرين ونزلت 6 كيلو ^_^ بحبكم ... و ربنا معانا كلنا و ادعولي 

واستعينوا بالله :*

سلام :)

مواضيع متعلقة

عن الكاتب

التعليقات



البحث