feature image

بسم الله 
اانا أم حمزة 25 سنة ، بحب الاكل جدا و بعشق فن الطبخ ، المطبخ و الحلل و التوابل دول هوايتي ، طول عمري كلبوظة ، يوم ما اتخطبت خطيبي قال لوالدي ان شاء الله تخس و تعمل ريجيم و كان رد الحاج " انسي " ،، قفلها في وش الراجل .. المهم عملت ريجيم عشرات المرات و ارجع تاني  ،، طبعا اتجوزت و عاوزة بقي اجيب عيال و الدكتور قالي انسي و انتي بالمنظر ده .. و خسيت 10 ك و بعد الولادة زدت 20 ك و بقي وزني 121 ك طولي 174 سم و طبعا دخلت في حالة اكتئاب و حزن شديد و المصيبة اني كنت عايشة ف تركيا بلد المزز 

تخيلو 121ك في بلد التخين فيه 55ك ..عااا قمة اليأس و الاحباط  ده الالم النفسي غير بقي الالم العضوي تعب شديد ف العمود الفقري و ورم ف الركبة و صعوبة والتحرك و شهية مفتوحة ع الرابع 

رجعتمصر و قررت اني اخس و المرة دي بجد حسيت لاول مرة اني قوية جدا و عندي ارادة حديدة الامر معدشي متعلق بمظهر او شياكة دي صحتي و حياتي اللي هتتدمر بسبب الاكتئاب و رحت لدكتور 

اول اسبوع خسيت 5 ك حسيت فيهم بفرق كبير جدااا راحة و تحدي بيكبر و امل كل يوم بيزيد عن اليوم اللي قبله واستمريت  اول شهر لقيت نفسي خسيت 9 ك و هدومي وسعت علييا و استمريت ع الريجيم  كل اسبوع كنت بخس من 2 ل 3.5 ك 

كان بيجيلي وقت و بضعف بس عمري ما وزني زاد وانا ماشية ع الدايت لان هدفي كان الوصول ل 80 ك 

بدات دايت ف شهر 6 مع عثوري ع الفيس علي صفحة انا لازم أخس و شجعتني جداااااااا بس مش باخد اي حبوب و مش رياضية 

المهم بعد 5 شهور خسيت 30ك و مكملة ان شاء الله حتي أخسر ال 10 ك الزيادة  بس ادعولي بقي اخف عشان وقفت الدايت بسبب اجرائي عملية جراحية و حالتيالنفسية سيئة و بدات اعك 

أحب أقول لكل كلبوظة اوعي تفقدي الثقة في نفسك لان كلبوظة   ، انا محدش كان مصدق اني ممكن اخس او اواصل ع الدايت حتي لمدة شهر بس انا اتحديت نفسي و اتحديت شبح السمنة و اتحديت نظرات الناس ليا و خسيييييييييييييييييت 

عقبال كل الكلابيظ  

ام الحموزة 

مواضيع متعلقة

عن الكاتب

التعليقات



البحث